Gyselaarsdrama: Minstens 6 dood
2010-08-23 16:45
Manila - Die bloedige gyselaarsdrama wat die afgelope 12 ure in die Filippynse hoofstad Manila afgespeel het, is uiteindelik verby.
Rolando Mendoza (55), 'n voormalige polisieman, het 'n bus vol Chinese toeriste van Hongkong met 'n M16-masjiengeweer aangehou.
Hospitale in die Filippynse hoofstad sê ses uit die 15 Chinese toeriste wat op die bus is, is dood.
Die Manila Hospitaal sê vyf gyselaars is na dié hospitaal geneem. Twee van hulle was dood toe hulle by die hospitaal opdaag het en drie het nog gelewe en het geen beserings gehad nie.
Volgens die Manila Doctors' Hospital het hulle vier dooie mense ontvang en een vrou wat in 'n kritieke toestand was.
Die Philippine General Hospital sê twee gyselaars is na hulle geneem wat nog gelewe het.
Mendoza is in 'n skietgeveg met die polisie gedood.
Die voormalige senior inspekteur wou sy werk in die polisiemag terughê.
Volg Nuus24 op Twitter.