2 000 in Taiwan ontruim oor tifoon

2012-08-23 12:33

Hualien – Minstens 2 000 mense in Taiwan is ontruim voor die tifoon Tembin na verwagting Donderdag die eiland sal tref, het owerhede gesê.

Volgens die Hongkongse sterrewag is Tembin ‘n “ernstige tifoon” en daar word voorspel dat die tifoon stadig in ‘n noordwestelike rigting sal beweeg.

Altesaam 50 000 soldate is op 'n gereedheidsgrondslag om die inwoners te help.

Die tifoon Saola, wat Taiwan vroeër die maand getref het, het die lewe van ses mense geëis.

Altesaam 103 plaaslike vlugte en 13 internasionale vlugte is tot dusver weens die naderende tifoon gekanselleer.

– Volg Nuus24 op Twitter
 

- AFP