17 sterf in chaos oor president
2010-04-07 16:19
Bishkek – Sewentien mense is dood en minstens 140 beseer tydens gewelddadige betogings in Kyrgyzstan in Sentraal-Asië teen hul president Kurmanbek Bakiyev, het ‘n beampte van die ministrie van gesondheid aan AFP gesê.
Die gewelddadige betogings teen Bakiyev het die land Woensdag geruk terwyl duisende betogers met owerhede gebots het.
Volgens die beampte, Larisa Kachibekova, is meeste van dié mense dood weens skietwonde.
Die beseerdes, wat meestal jong mense onder die ouderdom van 30 is, ontvang tans mediese hulp, het sy gesê.
Sewentien van die betogers wat oproerings teen hul president gemaak het, is doodgeskiet nadat polisie op hulle begin skiet het.
- Sapa-AFP