157 mense in sneeustorting dood
2010-02-11 00:19
Kaboel – Afganistan se ministerie van binnelandse sake het gesê altesaam 157 mense is in sneeustortings dood wat ‘n bergpas noord van Kaboel toegeval het.
Zemeri Bashary, woordvoerder van die ministerie, het gesê dat reddingswerkers 157 liggame uit die Salangpas gehaal het.
Volgens Bashary is 2,5 km van die pad skoongemaak sodat ambulanse en stootskrapers die pad kan gebruik. Ongeveer 2600 mense is sover gered.
‘n Reeks sneeustortings wat Maandag begin het, het paaie gesluit en honderde mense gestrand gelaat.
- Sapa-AP