15-jarige sterf ná Al-Kaïda sy hand afkap
2011-09-30 23:00
Aden – ‘n Vyftienjarige seun is oornag in Jemen dood nadat militante van Al-Kaïda sy regterhand afgekap het as straf nadat hy glo elektriese kabels gesteel het, het ‘n mediese werker gesê.
Maher Ali se hand is Saterdag voor talle inwoners van Jaar in die suidelike provinsie van Abyan met ‘n swaard afgekap, het getuies en medici gesê.
Ali is “dood aan wonde wat hy opgedoen het toe militante van Al-Kaïda sy hand afgekap het en hy te veel bloed verloor het,” het die mediese beampte op die voorwaarde van anonimiteit gesê.
Die tiener is een van twee Jemeniete wie se hande onlangs deur militante van Al-Kaïda afgekap is omdat hulle gesteel het. Die tweede, ‘n 26-jarige man, se hand is Sondag afgekap.
“Hulle het die beskuldigde ingebring saam met ‘n dokter wat hom verdoof het en hulle het sy regterhand afgekap,” het een getuie gesê.
In beide gevalle het die militante die liggaamsdele aan die inwoners van Jaar gewys as voorbeeld van wat met hulle sal gebeur as hulle gevang word dat hulle steel.
– Volg Nuus24 op Twitter
- Sapa - AFP