15 dood in dubbele bomontploffing
2011-10-13 22:13
Bagdad – Amptenare in Irak sê twee ontploffings in ‘n Sjiïtiese woonbuurt in die ooste van Bagdad het 15 lewens geëis en 48 mense beseer.
Volgens twee polisiebeamptes het ‘n bom naby ‘n
huis in Sadr City ontplof.
‘n Paar minute later het ‘n tweede bom in
dieselfde area afgegaan.
Die motorbom het tussen die mense wat saamgedrom
het om ondersoek in te stel ná die eerste ontploffing, ontplof.
Al vyftien mense is in die tweede ontploffing
dood.
‘n Amptenaar by die hospitaal het die
ongevalle bevestig.
Die amptenare het onder voorwaarde van
anonimiteit gepraat, aangesien hulle nie gemagtig is om inligting weer te gee
nie.
Volg Nuus24 op Twitter.
- Sapa - AP