14 dood ná swaar reën, vloede in Pakistan

2012-08-23 13:43

Islamabad – Kitsvloede wat deur swaar reën veroorsaak is, het minstens 14 mense dood gelaat en talle huise in die noorde van Pakistan verwoes, het beamptes Donderdag gesê.

Irshad Bhatti, 'n woordvoerder vir die land se rampbestuur, het gesê die dodetal kan na verwagting styg nadat nog sterftes aangemeld is.

Die meeste sterftes is in die noordwestelike provinsie Khyber Pakhtunkhwa aangemeld waar nege mense dood en meer as 50 huise verwoes is.

In Kashmir is ses mense dood nadat 'n dak meegegee het.

– Volg Nuus24 op Twitter.

- Sapa - AFP