13 rebelle gevang
2009-08-24 15:59
Karachi, Pakistan - Owerhede in Pakistan het in onverwante strooptogte 13 lede van die Radikale Islamiete in hegtenis geneem, asook beslag gelê op baadjies wat tydens selfmoordbomaanvalle gebruik word, plofstof en heroïne.
Onder die mans wat in hegtenis geneem is tel ‘n man wat selfmoordbomaanvallers vir die Taliban rebelle-groep gewerf het. Sewe lede van die onwettige Lashkar-e-Jhangvi-beweging is ook in hegtenis geneem.
Volgens owerhede het dié strooptogte groot bomaanvalle op die suide en ooste van die land gekeer.
Polisie in Karachi het Sondag besslag gelê op drie baadjies waarin plofstof versteek word, 15 kilogram plofstof, 10 wapens en 2kg heroïen, het Fayyaz Khan, ‘n polisiebeampte, gesê.
Pakistan is besig om Taliban en Al-Kaïda millitante, wat blameer word vir terroristeaanvalle wat oor die laaste twee jaar geloods is, te beveg.
Op 5 Augustus vanjaar is ‘n groot deurbraak gemaak toe Baitullah Mehsud, ‘n Pakistanse Talibanleier, tydens ‘n Amerikaanse missielaanval doodgemaak is.
- Sapa
