13-jariges steel lekkers, kondome by apteek

2012-12-12 17:50

Madison – Drie 13-jariges het glo lekkers en kondome by ‘n apteek in Madison, Wisconsin gesteel voor hulle ‘n werknemer met messe gedreig het.

Die verdagtes is glo Vrydag deur die bestuurder van die apteek gewaar, waar hulle lekkers in hul sakke gedruk het.

“Die bestuurder het die verdagtes genader en hulle gevra om die lekkers terug te sit en gesê dat hulle nie in die moeilikheid oor sulke goed moet kom nie,” het ‘n verklaring van die polisie gelui.

Die seuns het egter uit die winkel geloop en die winkel se alarm laat afgaan. Die bestuurder van die winkel het hulle agternagesit, waarna die seuns die lekkers teruggegee het. Een van die seuns het hom toe met die pak kondome gegooi en gevra dat hy nie die polisie moet bel nie.

Die polisie is egter ontbied na twee van die seuns die bestuurder met messe gedreig het, het Huffington Post berig.

– Volg Nuus24 op Twitter