kykNET Fiëstas se benoemings bekend
2013-02-26 14:15
Kaapstad – Die benoemings vir die 2013 kykNET Fiëstas, wat die beste Afrikaanse kunstenaars en teaterproduksies vereer wat in 2012 hul debuut gemaak het, is Maandag bekend gemaak.
Die toekennings word vanjaar vir die eerste keer in die Staatsteater in Pretoria aangebied en die teaterlegende Ian von Memerty is in die regisseurstoel vir vanjaar se produksie.
Toekennings sal in altesaam 15 kategorieë uitgedeel word, insluitend dié vir beste nuwe Afrikaanse stuk, beste prestasie in ’n musiekproduksie, beste akteur en beste aktrise.
Die publiek kan ook vir hul gunstelingkunstefees en Fiësta-aanbieder stem.
Die feeste wat benoem is, is Innibos (A1), die Klein Karoo Nasionale Kunstefees (A2), die Renoster Horingfees (A3) en die Vryfees (A4).
Die benoemde Fiësta-aanbieders is André van der Merwe (B1), Jennifer Zamudio (B2), Monique (B3) en Niël Rademan (B4).
Lede van die publiek kan in die kategorieë begin stem deur die kode langs die fees of aanbieder se naam na 33690 te SMS.
Dié Fiëstas word op 21 Maart oorhandig.
Kaartjies vir die spoggeleentheid sal by Computicket beskikbaar wees.
Besoek kykNET ook op Facebook vir meer inligting.
Benoemings vir die 2013 kykNET Fiëstas:
Beste Akteur:
Albert Pretorius: Nagwond
Terence Bridgett: Master Harold en die Boys
Tobie Cronjé: My man se vrou se man
Wessel Pretorius: Ont
Beste Aktrise:
Alida Theron: Op Dees Aarde
Marli van der Bijl: Putsonderwater
Amanda Strydom: Voor ek vergeet
Sandra Prinsloo: Oskar en die pienk tannie
Beste Manlike Byspeler:
Wessel Pretorius: N is vir Neurose
De Klerk Oelofse: Ubu en die Secrecy Bill
Johann Nel: Putsonderwater
Stian Bam: Babbel/Bos/Vrou vantevore
Beste Vroulike Byspeler:
Anna-Mart van der Merwe: Doodsnikke
Hannah Borthwick: N is vir Neurose
Karli Heine: Op Dees Aarde
Wilna Snyman: Op Dees Aarde
Beste Regisseur:
Wessel Pretorius: Ont
Pieter Venter: Putsonderwater
Lara Bey: Oskar en die pienk tannie
Marthinus Basson: Op Dees Aarde
Teaterontwerp:
Marthinus Basson: Bos (stelontwerp)
Marthinus Basson: Op Dees Aarde (stelontwerp)
Johan Ferreira: GPS vir die lewe (beligting)
Patrick Curtis: Doodsnikke (stelontwerp)
Beste Prestasie in ‘n Musiekgedrewe Produksie:
Emo Adams: Plekkie in die son
Amanda Strydom: Wierook en mirre
Vagina Dentata: Vagina Dentada
Janine Neethling: Wierook en Mirre
Beste Musiekproduksie:
Christiaan Olwagen: Vagina Dentata
Basil Apolis:‘n Plekkie in die Son
Koos Kombuis: GPS vir die lewe
Amanda Strydom: Wierook en mirre
Beste Solo-vertoning:
Marion Holm: Holmakiesie
Wessel Pretorius: Ont
Sandra Prinsloo: Oskar en die pienk tannie
Beste Nuwe Afrikaanse Opvoering:
Wessel Pretorius: Ont
Christiaan Olwagen: N is vir Neurose
Marlene le Roux: ‘n Plekkie in die Son
Basil Apolis: n Plekkie in die Son
Schalk Schoombie: Liefde, Anna
Louis van Niekerk: Liefde, Anna
Beste Prestasie in Klassieke Musiek:
Winand Grundling: 14 Stasies van die Kruis
Consort: Venetian Tonic
Trio met ‘n Twist: Trio met ‘n Twist
Kelebogile Boykanyo: Vocal Recital
Beste Prestasie in Dansteater of Fisieke Teater:
Xolani Ntombela: African Rhythms
Keepsake Minus 3: Keepsake Minus 3
Mamela Nyamza: Okuya Phantsi Kwempumlo / The Meal
Beste Prestasie in Visuele Kuns:
Diek Grobler: Fopspeen Moving Pictures
Katie Barnard du Toit: Vrees en Verlies
Paul Emsley: Feeskunstenaar: Woordfees
Beste Aanbieding:
Nicola Hanekom: Babbel
Hugo Theart: Op Dees Aarde
Wessel Pretorius: Ont
Marthinus Basson: Op Dees Aarde
Lara Bey: Oskar en die pienk tannie
Beste Opkomende Kunstenaar:
Marli van der Bijl: Putsonderwater
Christiaan Olwagen: N is vir Neurose
Winand Grundling: 14 Stasies van die Kruis
Wessel Pretorius: Ont
– Volg Nuus24 op Twitter
