Zsa Zsa se been geamputeer
2011-01-17 19:00
Los Angeles – Zsa Zsa Gabor weet nie dat haar been geamputeer is nie.
Die 93-jarige aktrise se regterbeen is op 14 Januarie net bokant haar knie geamputeer nadat gangreen in haar been voorgekom het. Dokters kon nie haar been red nie en Zsa Zsa se man Prins Frederic von Anhalt het haar nog nie ingelig dat sy geopereer is nie.
Volgens die skinderwebwerf TMZ, is Von Anhalt deur mediese kenners gewaarsku om nie sy vrou oor die operasie in te lig nie uit vrees dat haar bloeddruk kan styg en dit haar herstelproses bemoeilik.
Terwyl Zsa Zsa glo dat slegs ‘n klein gedeelte van haar been geamputeer is, het Von Anhalt belowe dat hy haar op ‘n latere stadium die waarheid sal vertel.
Zsa Zsa, wat reeds sewe keer getroud was, is sedert verlede jaar Julie in en uit by die hospitaal nadat sy ‘n heupoperasie ondergaan en daarna twee bloedklonte ontwikkel het.
- Vir die volledige storie besoek Tonight.
- Volg Nuus24 op Twitter.