Zsa Zsa Gabor wéér in hospitaal
2010-09-01 05:25
Los Angeles - Die 93-jarige Hollywood sosiale vlinder Zsa Zsa Gabor is Dinsdag na die hospitaal gehaas ná sy "geen reaksie" getoon het nie, het haar woordvoerder gesê.
"Omstreeks 19:00 het Zsa Zsa Gabor se man 911 gebel ná sy vrou nie reageer het nie. Die aktrise is na die Ronald Reagan UCLA-mediese sentrum gehaas, het John Blanchette gesê.
Die aktrise is op 17 Julie gehospitaliseer ná sy geval en haar heup gebreek het.
Sy het 'n heupvervangingsoperasie ondergaan, maar komplikasies, insluitend 'n bloedklont, het veroorsaak dat sy nog 'n operasie moes ondergaan.
- SAPA