Willis jnr. bepaal eie lot
2009-08-26 11:10
Hollywood - Rumer Willis se loopbaan as aktrise is nie aan haar bekende ouers te danke nie.
Die 21-jarige dogter van Bruce Willis en Demi Moore besef die familienaam help om oudisies los te slaan, maar sy is oortuig daavan dat haar talent as ‘n goeie akrise haar help om rolle te beklink.
“Jy kan niks doen aan wie jou ouers is nie. Ek glo elkeen het geleenthede en elkeen kry geleenthede op verskillende maniere,” het die opkomende ster, wat binnekort in die riller Sorority Row verskyn, aan BANG Showbiz vertel.
"As jy talentvol is sal jy werk kry. As jy nie goed is nie sal jy sukkel. Op die ou eind geld talent. Want jy kan oudisies kry, maar dit is ‘n ander ding om werk te kry.”
Rumer is die oudste van Bruce en Demi se drie kinders.
Sy het grootgeword op filmstelle, maar sy het eers onlangs besef sy wil ‘n aktrise word.
Rumer ontken haar ouers het haar in die industrie aangehelp en sy ontken dat hulle ooit loopbaanadvies aan haar gegee het.
"My ouers laat my toe om my eie ding te doen. Hulle ondersteun my in alles en ek kan vir niks beter vra nie.”
- BANGshowbiz.com