William, Kate se versoek aan trougaste

2011-01-17 15:29

Londen – Prins William en Kate Middleton oorweeg dit om hul gaste te vra om donasies aan ‘n liefdadigheidsorganisasie te maak in plaas daarvan om aan hulle geskenke te gee, het woordvoerders gesê.

William en Kate trou op 29 April.

‘n Woordvoerder, wat anoniem wil bly, het Sondag gesê die paartjie oorweeg dié opsie maar geen besluit is nog geneem nie.

Hegte vriende en familielede sal egter steeds toegelaat word om geskenke aan hulle te gee.

‘n Aardige bedraggie geld kan op dié manier vir ‘n liefdadigheidsorganisasie inegsamel word.

Volgens woordvoerders gaan William en Kate seker maak dat hul troue nie te spoggerig is nie.

Die gastelys is nog nie vrygestel nie.
 
- Volg Nuus24 op Twitter.

- AP