William, Catherine wil met gesin begin

2012-11-26 11:12

Londen – Prins William en sy vrou, Catherine, die hertogin van Cambridge, is opgewonde om met 'n gesin te begin.

Die paartjie werk glo hard om hul eerste kind te hê en kan volgens berigte nie wag om ouers te word nie.

"Hulle is opgewonde oor die vooruitsig om ouers te word," het 'n bron aan die tydskrif Us Weekly gesê.

"Hulle werk daaraan. Die ideaal sal wees dat hulle teen Kersfees al 'n treetjie nader [aan die swangerskap] moet wees. Hulle is so gelukkig sedert hulle getroud is. Dit is tyd vir die volgende stap. Kate hoop sy en William kan in 2013 ouers word."

Die paartjie sal volgens die berig tot ná die eerste trimester wag om die nuus te deel.

Kate het volgens berigte ook in die geheim vrugbaarheidsbehandeling ondergaan.

– Lees meer hier

– Volg Nuus24 op Twitter