Will en Kate rits in Aston Martin rond

2011-04-29 23:00

Brittanje se prins William en hertogin Catherine het almal verbaas toe hulle met ‘n Aston Martin by Buckingham-paleis se hek uitgery het ná afloop van die troue. (Pierre Philippe Marcou, AFP)

Londen - Prins William het duisende toeskouers in Londen verras toe hy sy nuwe vrou Kate vir 'n rit in 'n Aston Martin geneem het met 'n nommerplaat wat lui "pas getroud" en wat met ballonne versier was.

Die prins het tot groot verrassing van baie by die hekke van die Buckinham-paleis uitgery in 'n lighartige oomblik wat die gees van die dag vasgevang het en 'n vergestalting is van hulle aanslag as 'n nuwe geslag koninklikes.

Die nuwe hertog en hertogin van Cambridge het na die nabygeleë Clarence House, die woning van sy pa prins Charles, gery. 

Volg Nuus24 op Twitter.

- RSG