Whitney Houston terug in rehabilitasiesentrum
2011-05-10 17:56
Los Angeles – Die sangeres Whitney Houston is wéér in ‘n rehabilitasiesentrum opgeneem en doen ‘n buite-pasiënt-program vir dwelm- en alkohol-verslaafdes.
Volgens ‘n woordvoerder het Houston vrywilliglik na die sentrum gegaan om sodoende haar herstelproses aan die gang te hou.
Die 47-jarige ster het ‘n lang stryd in die openbaar met dwelmverslawing gevoer.
Sy het vroeër erken dat sy reeds met kokaïen, dagga, pille en alkohol geëksperimenteer het.
Sy is in Maart 2004 in ‘n rehabilitasiesentrum opgeneem vir behandeling, maar het die sentrum ná vyf dae verlaat. Sy het ‘n jaar later weer teruggekeer.
- iafrica.
- Volg Nuus24 op Twitter.