Werker afgedank oor J.Lo se handtekening

2012-11-07 11:42

Düsseldorf – 'n Hotelwerker in Duitsland is glo afgedank nadat sy die sangeres Jennifer Lopez vir haar handtekening gevra het, berig Daily Mail.

Pray Dodaj het aan die sangeres se deur geklop terwyl sy by die Melia Düsseldorf in Duitsland tuisgegaan het, maar is deur twee assistente weggewys.

Dodaj het die volgende dag 'n oproep ontvang en daar is aan haar gesê sy is afgedank omdat J.Lo gekla het dat sy gepla is.

Cyrus Heydarian, direkteur van die hotel, het gesê hy duld nie werknemers wat sy gaste steur nie.

Lopez het egter aan aanhangers gesê sy het niks te doen gehad met die besluit nie, en dat sy die eerste keer op Twitter van die voorval te hore gekom het.

Sy het Woensdag, as deel van haar Europese toer, in die stad opgetree.

– Lees meer hier

– Volg Nuus24 op Twitter