Wêreld se begeerlikste vrou is...

2012-12-12 08:34

Jennifer Lawrence by die premiere van Silver Linings Playbook. (AP)

Los Angeles – Die Hunger Games-aktrise Jennifer Lawrence is as die begeerlikste vrou ter wêreld aangewys volgens 'n internasionale peiling, wat deur die webtuiste AskMen bekendgemaak is.

"Oor die algemeen is daar die gevoel dat sy 'n bietjie meer eg is as die ander akteurs," het die webtuiste se redakteur, James Bassil, gesê en bygevoeg dat die publiek nog nie genoeg van die 22-jarige aktrise weet om 'n negatiewe opinie te vorm nie.

"Sy is vars want ons het haar nog nie die afgelope drie of vier jaar in al wat 'n skindertydskrif gesien nie," het Bassil gesê.

Lawrence het bekendheid verwerf vir haar rol as Katniss Everdeen in die Hunger Games-trilogie.

Sy is tans te sien in die onafhanklike rolprent Silver Linings Playbook waar sy die rol van 'n jong, seksmal weduwee vertolk.

Die Hollywood-aktrise Mila Kunis is in die tweede plek op die lys van begeerlikste vroue gevolg deur die model Kate Upton, sangeres Rihanna en die aktrise Emma Stone.

'n Totaal van 2,4 miljoen lesers het aan die peiling deelgeneem.

Volg Nuus24 op Twitter.

- Reuters