Vuiste klap oor parkeerplek by ateljee

2013-01-28 11:48

Los Angeles – Die sangers Chris Brown en Frank Ocean was glo Sondagaand in ‘n bakleiery betrokke, en ooggetuies beweer Ocean het eerste met sy vuiste ingeklim.

Brown was in die Westlake-ateljee in Los Angeles besig om te luister na een van die kunstenaars wat hy verteenwoordig. Bronne beweer Ocean en sy groep het Brown verhoed om die perseel te verlaat.

"Hierdie is my ateljee; hierdie is my parkeerplek," het Ocean glo gesê.

Brown het later glo probeer om Ocean se hand te skud, toe een van Ocean se vriende Brown aangeval het.

'n Rusie het tussen die twee groepe ontstaan, waarna Ocean self vir Brown getakel het.

Die polisie is glo na die toneel ontbied om die groepe uitmekaar te hou.

TMZ het berig dat niemand in verband met die voorval in hegtenis geneem is nie.

– Volg Nuus24 op Twitter