Victoria Beckham ontwerp nuwe luukse Range Rover

2012-04-23 09:42

Los Angeles – Die mode-ontwerper en oud-Spice Girl Victoria Beckham het gehelp om 'n selfs luukser weergawe van die Range Rover te ontwerp, het Sky News berig. 

Beckham was Sondag in Beijing om die nuwe Evoque bekend te stel.

Volgens Victoria het sy aan haar man, David, gedink toe sy die motor ontwerp het.

"Ek het 'n motor ontwerp wat ek wil bestuur. 'n Motor wat ek dink David sal wil ry. Ek dink hoewel vroue dié motor gaan bestuur, het dit 'n manlike sy. Ek dink dit is baie cool," het sy gesê.

Beckham sê sy het 'n hele paar bronne gebruik om idees te kry.

"Ek het baie navorsing gedoen, nie net oor motors nie maar ook oor vliegtuie, filmsterre en verskillende bestemmings."

Slegs 200 eenhede van die spesiale Range Rover Evoque-reeks sal vervaardig word en sal £80,000 (sowat R1 miljoen) kos.

Die eerste een kan so vroeg as Oktober in China beskikbaar wees.

– Volg Nuus24 op Twitter.