Venus, Serena na Kardashian-troue genooi
2011-08-19 11:17
Los Angeles – Die tennissterre Serena en Venus Williams tel onder die bekendes wat na die sosiale vlinder Kim Kardashian se spogtroue genooi is, het die webwerf 10sballs.com berig.
Kardashian trou Saterdag met die basketbalspeler Kris Humphries by die Four Seasons-oord in Montecito, Kalifornië.
Alhoewel die plek waar haar troue plaasvind nog nie bekend gemaak is nie, het ‘n bron gesê Kardashian en Humphries trou by die huis van Eric Schmidt, voormalige uitvoerende hoof van Google.
Hulle moes glo 50 mense van die gastelys afhaal omdat daar nie genoeg plek is nie.
Kardashian het ook bekend gemaak sy en Humphries gaan eers volgende jaar wittebrood hou omdat sy te veel werksverpligtinge het.
– Volg Nuus24 op Twitter.