Vampier-film breek rekord
2009-11-21 21:41
Los Angeles - Die vampier-film The Twilight Saga: New Moon het die rekord vir die eerste dag van 'n film se opening by die Amerikaanse loket gebreek en is goed op pad om die een van die grootste films van alle tye te word.
Die rolprent het Vrydag $72.7 miljoen (sowat R5.5 miljard) in die VSA en Kanada ingesamel, het Summit Entertainment gesê.
Die vorige rekord vir 'n openingsdag was $62.2 miljoen (sowat R4.7 miljard) vir verlede jaar se The Dark Knight, wat daarna die tweede hoogste inkomste van alle tye in Noord-Amerika ingehark het voordat inflasie bygewerk is.
Hierdie hoogtes kan moeilik wees virTwilight om te bereik maar die industrie verwag dat dit sowat $125 miljoen (sowat R9.5 miljard) of meer deur die loop van die naweek kan inhark.
Dit sal dié rolprent ‘n vierde plek in die rekordboeke gee ná The Dark Knight, Spider-Man 3 en Pirates of the Caribbean: Dead Man's Chest.
Daar word verwag dat dit Shrek the Third wat $122 miljoen (sowat R9.3 miljard) ingesamel het, sal klop.
- Reuters