Usher sal slegs in Johannesburg te sien wees
2012-01-24 19:58
Kaapstad – Die R&B-sanger Usher, wat by Hansa Pilsener se Hansa Festival of Legends gaan optree, se konserte in Kaapstad en Durban is gekanselleer.
Usher sal slegs 'n konsert in Soweto, Johannesburg hou, wat op 10 Maart sal plaasvind.
Volgens die organiseerders moes sy konserte in Kaapstad en Durban gekanselleer word weens logistieke uitdagings wat nie vermy kon word nie en die sanger kan ook nie so lank in Suid-Afrika bly nie.
Kaartjies vir die konsert in Soweto is reeds beskikbaar en kos tussen R215 en R445. Daar word verwag dat ongeveer 35 000 aanhangers die konsert gaan bywoon.
– The Star.
– Volg Nuus24 op Twitter.