Tyson en Holyfield op Oprah
2009-10-17 05:31
Chicago – Niemand is geboks nie en nie een het die ander se oor afgebyt nie.
Prys en bewondering was die orde van die dag by die aangesig-tot-aangesig ontmoeting Vrydag tussen die voormalige wêreldkampioen boksers, Mike Tyson en Evander Holyfield, op ‘n episode van “The Oprah Winfrey Show”.
Op 28 Junie 1997, by die MGM Grand in Las Vegas, was Tyson gediskwalifiseer nadat hy ‘n deel van Holyfield se oor afgebyt het gedurende hulle WBA swaargewig-titel geveg.
‘n Respekvolle Tyson het verskeie kere in die program met sy voormalige opponent hande geskud.
Hy het gesê dat dit die eerste geleentheid was waar hy behoorlik met Holyfield kon praat sedert die oor-insident.
Tyson het vroeër aan Winfrey gesê dat ‘n oorspronklike verskoning na die insident nie opreg was nie.
Maar toe Oprah hom gevra het wat hy vir Holyfield wil sê, het hy weer nie by verskoning vra uitgekom nie. Hy het eerder begin om Holyfield te prys.
“Hierdie is ‘n pragtige ou,” het hy gesê terwyl hy Holyfield se arm vir ‘n ruk toegeneë vasgehou het. “Ek wil net hê jy moet weet dat dit net ‘n plesier is om jou te ken.”
Toe Winfrey vir Holyfield vra of hy nog ‘n stuk van sy oor vermis, het hy na dit gewys en gesê: “Net ‘n klein stukkie.”
Holyfield het ook ‘n erkentenis gehad om te maak. Hy het glo ook mense gebyt gedurende sy kinderjare.
“Julle praat oor byt,” het hy gesê. “Ek is die persoon wat elke broer in my gesin gebyt het.”
Holyfield het gesê dat die rede hoekom hy saam met Tyson op televisie wou verskyn het is om aan die jeug wat betrokke in geweld is te wys dat versoening altyd moontlik is.
“Ons kan saamkom, ons weet julle kan saamkom.”
- Sapa - AP