Twilight-ster se skandes lek op internet uit

2013-01-04 13:07

Los Angeles – 'n Video wat wys hoe die Twilight-ster Bronson Pelletier Desember in hegtenis geneem is nadat hy in die openbaar geürineer het, het aanlyn opgeduik.

Pelletier is vir openbare dronkenskap in hegtenis geneem ná hy dronk by die Los Angeles Internasionale Lughawe opgedaag het, en in die openbaar by 'n terminaal geürineer het.

In die video, wat op YouTube gepubliseer is, kan gesien word hoe Pelletier in die terminaal ronddwaal voor ‘n beampte van die lughawe hom nader.

Pelletier gaan dan voort om in passasiers se wagarea te urineer.

‘n Polisiebeampte takel Pelletier later en arresteer hom.

Pelletier, wat in die Twilight-reeks te sien is, sal op 7 Januarie in die hof verskyn.

Hy kan tot ses maande tronkstraf en ‘n boete van $1 000 (sowat R8 500) opgelê word.

– Jy kan hier na die video kyk. (WAARSKUWING: Video bevat beeldmateriaal wat sensitiewe kykers kan ontstel.)

– Volg Nuus24 op Twitter