Twilight-akteur op lughawe vasgetrek

2012-12-19 12:00

Los Angeles – Die Twilight-akteur Bronson Pelletier is op die Los Angeles Internasionale Lughawe in hegtenis geneem nadat hy in die openbaar geürineer het, het die skinderwebwerf TMZ berig.

Pelletier was glo ten tyde van die voorval dronk.

Die 25-jarige akteur, wat in 2009 in The Twilight Saga: New Moon te sien was, is glo gevra om sy vliegtuig te verlaat nadat die polisie berigte ontvang het van 'n oproerige passasier.

Die polisie het gesê hy is te dronk om te vlieg en hom beveel om vir 'n ander vlug te wag. Beamptes het toe later op hom afgekom waar hy homself by die hek verlig het.

– Lees meer hier

– Volg Nuus24 op Twitter