Twilight-aanhanger vertel waarheid oor bytmerke
2011-02-14 23:00
Florida – ‘n Tiener in Florida het met die waarheid uitgekom oor die bytmerke op haar lyf: sy en haar kêrel was besig om vampier-vampier te speel.
Sy word deur die baljukantoor in Monroe County daarvan aangekla dat sy ‘n vals aantyging teen iemand gemaak het.
Blykbaar is die meisie ‘n aanhanger van die Twilight-films en het sy en haar kêrel, ‘n 19-jarige man, ‘n fantasie-speletjie gespeel waarin hy haar gebyt en haar bloed gesuig het.
Te skaam om die waarheid te vertel, het sy aan haar ma gesê sy is aangeval toe sy gaan draf het.
Die polisie kom egter geen bewyse kry dat sy aangeval is nie en die meisie het uiteindelik die waarheid gepraat oor haar bytmerke.
Volg Nuus24 op Twitter.
- AP