Travolta se afperssaak laat vaar
2010-09-07 10:45
Nassau – ‘n Regter in die Bahamas het Maandag die aanklagte teen twee mense laat vaar wat glo probeer het om die akteur John Travolta met $25 miljoen (sowat R175 miljoen) af te pers.
'n Paramedikus en 'n voormalige senator van Bahamas, het glo probeer om Travolta af te pers met private inligting ná sy seun se dood.
Die saak is verwerp nadat die Hollywood-akteur glo gevra het dat die saak laat vaar moet word.
Regter Jon Isaacs het sy beslissing gemaak nadat Neil Braithwaite, die staatsaanklaer, gesê het dat die Travolta-gesin gevra het dat die saak laat vaar moet word.
Dié hofsaak, wat baie media-aandag getrek het, het glo te veel stres en pyn vir die familie veroorsaak.
Albei die beskuldigdes het onskuldig gepleit op aanklagte van uitbuiting.
Volg Nuus24 op Twitter.
- Reuters