Travolta: Verdediging sluit saak
2009-10-16 14:58
Nassau – ‘n Nooddienswerker wat gehelp het om John Travolta se tienerseun se lewe te red, het in die getuiebank verduidelik hoekom hy teenstrydige verklarings oor sy rol gegee het.
Marcus Garvey is die enigste getuie vir wie die verdediging geroep het om te getuig in die saak teen ‘n ambulansbestuurder en oudsenator, wat daarvan verdink word dat hulle Travolta probeer afpers het.
Die verdediging het gehoop Garvey se getuienis bewys dat Travolta probeer het om ’n getekende dokument oor Jett se behandeling te koop. Dit sou paramedici vrywaar van aanspreeklikheid indien die gesin ’n ambulans van die hand sou wys. Die polisie het gesê dít het nie gebeur nie.
Die 16-jarige Jett Travolta is op 2 Januarie 2009 dood, nadat hy ‘n aanval gehad het.
Die aanklaers voer aan dat oudsenator Pleasant Bridgewater en die ambulansbestuurder Tarino Lightbourne gedreig het om die dokument te gebruik om stories aan die media te verkoop dat Travolta geblameer moet word vir sy seun se dood tensy die akteur $25 miljoen sowat (R184 000) duisend aan hulle betaal.
Garvey het egter net gesê dat ‘n onbekende man hom geld aangebied het, indien hy die dokument kon kry, en dat hy Lightbourne se nommer aan die man gegee het.
Hy het Donderdag aan die jurie vertel dat hy nooit by Travolta se huis aangekom het nie, maar liewer die ambulans bestuur het wat ‘n ander een onderskep het, waarin Jett na die hospital geneem was. Volgens Garvey het hy die tiener geondersoek en tekens gevind wat getoon het dat hy reeds dood is.
Travolta het die vrywaringsvorm geteken omdat hy het gehoop om sy seun na Amerika te vlieg vir behandeling. Volgens die polisie was die dokument nooit ter sprake nie omdat Jett na ‘n plaaslike hospital geneem was.
Bridgewater het alle aanklagtes ontken en beskuldig Travolta se prokureurs daarvan dat hulle haar valslik wil beskuldig.
Die verdediging wat hul saak gesluit het, het beplan om nog drie getuies te roep, maar sê hulle was nie beskikbaar nie.
Die landdros sal na verwagting Dinsdag die jurie opdrag gee.
- Sapa