Tom wil sélf met Katie praat

2012-07-09 15:15

Los Angeles – Tom Cruise wil met Katie Holmes ontmoet in ‘n poging om sy huwelik te red.

Die Rock of Ages-ster moet volgende week in die hof wees vir die skeisaak, maar hy wil eers dinge met Katie uitpraat in ‘n poging om te keer dat besonderhede van hul huwelik bekend gemaak word.

‘n Anonieme bron het aan die Daily Mirror-koerant vertel dat Tom die hele debakel “nie verstaan nie of hy glo nie dat sy huwelik eindig nie. Hy voel daar is nog tyd vir hom en Katie om te gaan sit en ‘n ooreenkoms te bereik.”

“Hy weet dat hulle naby aan ‘n groot publieke hofsaak is en sy doel is om dit te keer, of ten minste verdraaglik te maak. Hy voel hy kan nog met Katie kommunikeer en wil alleen met haar praat.”

“Hulle prokureurs werk al aan die saak, maar Tom voel hy is die beste persoon om met Katie te praat. Hy dink hy kan die saak uitstel of ‘n tussentydse ooreenkoms bereik.”

Tom (50) het na bewering sy prokureurs beveel om nie enige openbare aankondigings te maak voordat hy met Katie (33) gepraat het nie.

Tom was uit die veld geslaan na Katie verlede maand aan die lig gebring het dat sy wil skei. Prokureurs van beide Tom en Katie is hard besig om kwessies soos die toesig oor hul dogter Suri (6), besoekregte en onderhoud op te los.

Katie het na bewering vir Tom om ‘n egskeiding gedagvaar oor sy bekommerd is oor sy toewyding aan die Sciëntologie-organisasie en die uitwerking wat dit op Suri kan hê terwyl sy groot word.

– Volg Nuus24 op Twitter
 

- BangShowBiz