Tom Cruise 'nog nie gereed vir verhoudings'

2012-12-28 11:45

Los Angeles – Tom Cruise is nog nie gereed vir verhoudings nie.

Die Jack Reacher-ster, wat in Junie van sy vrou Katie Holmes geskei het, is onlangs in die geselskap van verskeie vroue gesien maar bronne na aan die ster sê hy het nie planne om enige van hulle sy meisie te maak nie.

'n Bron na aan die 50-jarige akteur het aan People.com gesê: "Hy is enkellopend en sal met vroue praat, maar hy sal nie onmiddellik 'n romantiese verhouding met hulle aanknoop nie."

Die bron het ook gerugte ontken dat Cruise en Cynthia Jorge, 'n 26-jarige restaurantebestuurder, in 'n verhouding is nadat hulle gesien is saam met mekaar dans by die New Yorkse nagklub Le Baron.

– Bang Showbiz.

– Volg Nuus24 op Twitter.