Tolkien se Hobbit gou ‘n film
2009-09-09 09:17
Los Angeles - ‘n Hollywood filmstudio wat ‘n rolprent van een van die skrywer J.R.R. Tolkien se boeke wil maak, en die begunstigdes van die skrywer se nalatenskap, het Dinsdag ‘n ooreenkoms bereik om dié nuwe rolprent te vervaardig.
Die rolprent The Hobbit beloof om ‘n treffer te wees, net soos die Lord of the Rings reeks.
The Hobbit is in 1937 deur Tolkien geskryf is. Dit handel oor die karakter Bilbo Baggins wat op ‘n avontuur gaan, en dié verhaal is die voorloper van Tolkien se Lord of the Rings reeks.
Die Lord of the Rings boeke is in drie films vervaardigl wat deur die filmstudio New Line Cinema tussen 2001 en 2003 uitgeryk is. Die films het sowat $2.9 biljoen (R21.8 miljard) wêreldwyd verower.
Daar word verwag dat The Hobbit soortgelyke sukses sal behaal.
Die begunstigdes van Tolkien se nalatenskap het New Line Cinema in 2008 hof toe gesleep en meer as $150 miljoen (R1.1 miljard) van die winste van die Lord of the Rings films geëis. Hulle wou ook die vervaardiging van The Hobbit staak.
Die finansiële aspekte van die ooreenkoms is nie bekendgemaak nie, maar die skrywer se seun, Christopher Tolkien, sê New Line Cinema mag nou voortgaan met die verfilming van die rolprent.
- Reuters