Timberlake sê jammer oor 'lawwe' video
2012-10-29 15:10
Los Angeles – Die pasgetroude Justin Timberlake het om verskoning gevra vir 'n "lawwe, onsmaaklike video" van hawelose mense, wat hom en sy vrou, Jessica Biel, gelukwens.
Timberlake het in 'n ope brief op sy webwerf gesê hy het nie vooraf van die video geweet nie.
Hy het gesê die video, wat verlede week by sy troue in Italië gespeel is, was 'n "grap wat op my gemik is".
Timberlake het gesê die video is "in swak smaak" en dat hy "diep jammer" is aan enigeen wat aanstoot geneem het.
Die video is 20 sekondes lank en is getiteld Greetings From Your Hollywood Friends Who Just Couldn't Make It.
In die video is verskeie haweloses van Los Angeles, straatmusikante en ander mense, wat duidelik nie die paartjie ken nie, wat hulle gelukwens op hul troudag.
Die video het op die webblad Gawker verskyn, maar is verwyder nadat Justin Huchel, Timberlake se vriend, se prokureurs ingegryp het.
– Lees meer hier
– Volg Nuus24 op Twitter
