The Showbiz Report vir eers van die lug af
2011-07-08 10:07
Kaapstad – Nicky Greenwall werk tans aan ‘n nuwe vermaakprogram getiteld The Close Up wat The Showbiz Report vanaf Augustus sal vervang wanneer sy op kraamverlof gaan.
Greenwall, ‘n vervaardiger en aanbieder, verwag haar eersteling saam met haar kêrel Robyn Fryer, eienaar van die 20 Management-modelagentskap.
Greenwall werk tans glo baie hard om The Close Up gereed te kry vir Saterdagaande vanaf 20 Augustus.
The Showbiz Report is sedert 2005 op e.tv en sal in Januarie 2012 weer op die kassie te sien wees vir ‘n nuwe seisoen.
The Close Up word ook deur Greenwall Productions vervaardig, en is in die formaat van ‘n halfuur-program wat indiepte onderhoude met plaaslike Suid-Afrikaanse sterre soos Lee-Ann Liebenberg, Locnville, Kenneth Nkosi, Simphiwe Dana, DJ Black Coffee, Jack Parow en Tamara Dey sal insluit.
Alhoewel Greenwall die nuwe program vervaardig en die onderhoude doen, sal sy nie gesien word nie, maar net as stemkunstenaar optree.
‘n Eksklusiewe geleentheid vir die bekendstelling van The Close Up sal op 4 Augustus by ‘n luukse hotel in Kaapstad gehou word.
– Channel24.
– Volg Nuus24 op Twitter.
