Taylor Swift kry haar eie parfuum

2011-07-18 14:17

Die Amerikaanse sangeres Taylor Swift gaan binnekort haar nuwe parfuum bekendstel.

Swift is die nuutste in 'n lang rits sangers en akteurs wat elkeen hul eie reukwater-reekse begin het.

Swift se eerste probeerslag heet Wonderstruck. Die naam is afkomstig van die sanger se liedjie "Enchanted" wat op haar nuwe album, "Speak Now", is.

Die 21-jarige Swift het dié liedjie geskryf oor Owl City-sanger Adam Young.

Volgens Swift kan 'n reuk iemand se eerste indruk en herinnering van jou beïnvloed.

"Dit is opwinded om te dink dat Wonderstruck 'n rol gaan speel in die skep van sulke herinneringe," het sy in 'n verklaring gesê.

– Volg Nuus24 op Twitter.

– JIP.