Taylor Swift 'te besig' vir liefde
2012-10-26 12:41
Los Angeles – Taylor Swift en haar kêrel, Conor Kennedy, se verhouding het glo al ‘n hele ruk gelede doodgeloop.
"Hulle is ‘n tydjie gelede stilweg uitmekaar. Dit was maar net ‘n afstand-ding. Daar is geen kwade gevoelens nie,” het ‘n vriend aan Us Weekly gesê.
Taylor, wat voorheen met die sangers John Mayer en Joe Jonas uitgegaan het, het Kennedy glo meer as ‘n maand laas gesien omdat sy besig is om haar nuwe album, Red, te bemark.
“Met Taylor se bemarking van Red het sy geen tyd om af te knyp nie. Sy sal besig bly tot die einde van die jaar,” het die vriend bygevoeg.
Taylor en Conor is vir die eerste keer in Julie saam gesien. Sy het glo in 'n stadium so baie na Conor verlang dat sy ‘n private straler van Nashville na Massachusetts gestuur het om die 18-jarige hartebreker te gaan haal.
“Taylor het Conor so baie gemis dat sy ‘n vliegtuig gestuur het om hom op te laai,” het ‘n bron Augustus gesê.
Taylor, wat amper nooit oor haar private lewe met die media praat nie, het egter nooit bevestig dat die twee ‘n paartjie is nie.
– Volg Nuus24 op Twitter
