Tatum in, Clooney uit

2011-11-17 14:05

Los Angeles – Die akteur Channing Tatum gaan George Clooney in die film The Man From UNCLE vervang.

Dít volg nadat Clooney uit die hoofrol van dié rolprent onttrek het omdat hy 'n operasie moet ondergaan, wat sekere tonele fisiek té veeleisend sou maak.

Bradley Cooper is ook vir Clooney se rol oorweeg, maar die regisseur, Steven Soderbergh, was glo baie beïndruk met Tatum nadat hulle saam aan die film Magic Mike gewerk het.

Altesaam 105 episodes van die treffer-televisiereeks The Man From UNCLE is tussen 1964 en 1968 uitgesaai.

– Bang Showbiz.

– Volg Nuus24 op Twitter.