Susan Boyle soek hubare man

2013-01-18 15:08

Londen – Die Britse sangeres Susan Boyle is op soek na 'n hubare man en smeek haar vriende om haar voor te stel aan iemand.

Die "I Dreamed A Dream"-sangeres – wat verklaar het dat sy nog nooit gesoen is nie – is so gretig om 'n kêrel te vind dat sy haar vriende smeek om afsprake vir haar te reël.

"Susan het gehoop haar roem bring haar geluk om 'n kêrel te vind, maar dit was ongelukkig nie die geval nie," het 'n bron gesê.

"Haar ideale man sal 'n Donny Osmond-tipe wees – iemand wat goed versorg is en klassiek aantrek. Dit is ook vir haar belangrik dat hy 'n sterk liefde vir familie en morele dapperheid het. Hy moet ook lief wees vir katte."

Boyle, wat in 2009 aan Britain's Got Talent deelgeneem het, het onlangs gesê sy soek iemand spesiaal om haar lewe mee te deel. Sy het verder gesê sy sal nie te omgekrap wees as sy nog 'n ruk langer op die rak moet sit nie.

– Lees meer hier

– Volg Nuus24 op Twitter