Stones se Ronnie Wood wys sy kuns

2010-07-28 19:06

Youngstown – The Rolling Stones se kitaarspeler Ronnie Wood gaan sy skilderye en ander kuns in die Amerikaanse kollig plaas.

Die 63-jarige Britse musikant beplan om sy openingsdag op 21 September by die museum van Ohio te hou.

Dié rockster het glo al op die ouderdom van twaalf begin skilder – nog voor hy 'n kitaar vir die eerste keer opgetel het.

Die uitstalling sluit 30 van Wood se skilderye in, asook 22 pen- en potlood-tekeninge en sewe gemengde media-werke.

Volg Nuus24 op Twitter.
 

- Sapa - AP