Stewart nie deel van Snow White-opvolg
2012-08-15 21:03
Los Angeles – Kristen Stewart gaan glo nie in die opvolg van Snow White and the Huntsman te sien wees nie.
Die 22-jarige gaan glo die opvolg van dié fliek, waarin sy die hoofrol vertolk het, misloop; met die storielyn wat op Chris Hemsworth se karakter gaan fokus.
Stewart het onlangs erken sy het haar kêrel en Twilight-medester, Robert Pattinson, verneuk met Rupert Sanders, die regisseur van Snow White and the Huntsman.
Sanders se vrou, Liberty Ross, vertolk die rol van Stewart se ma in die fliek.
Die wiele is glo aan die rol om Hemsworth se karakter die hoofrol van die fliek te laat oorneem, maar niks is sover bevestig nie.
Ten spyte van die Stewart-voorval is Sanders steeds gretig om die opvolg-fliek ook te maak.
Stewarts, wat vroeër vandeesweek haarself aan die fliek Cali onttrek het, het vroeër vanjaar erken dat sy gretig is om in die opvolg te wees.
“Ons hoef dit nie te doen nie; dis die mooiste ding daarvan. Daar is geen druk nie, maar om die reeks uit te brei sal lekker wees.”
– Volg Nuus24 op Twitter
- BangShowBiz
