'Sterwende' George Clooney wil nie trou

2012-12-14 12:40

Los Angeles – Die akteur George Clooney het glo aan sy vriendin, Stacy Keibler, gesê hy is sterwend sodat hy nie met haar hoef te trou nie.

Die 51-jarige Clooney het aan Keibler gesê hy kan nie met haar trou nie, omdat hy 'n rits kwale het, insluitend herhaalde gevalle van malaria.

"George het gesê sy liggaam is al so swak weens die verskeie ongelukke en siektes wat hy oor die jare gehad het, dat hy 'n verskriklike man en pa gaan wees," het 'n bron aan die National Enquirer gesê.

"Maar Stacy val nie daarvoor nie. Sy dink hy soek simpatie sodat sy hom kan jammer kry en hom sodoende nie sal druk om te trou nie."

Clooney was vanaf 1989 tot 1993 met die aktrise Talia Balsam getroud, en is nou in 'n verhouding met Keibler, 'n voormalige rofstoeier.

– Lees meer hier

– Volg Nuus24 op Twitter