Ster skitter weer na seks-foto's
2009-10-05 11:28
Hong Kong - Die Kanadese-Chinese akteur en sanger, Edison Chen, sal vir die eerste keer sedert sy loopbaan ‘n knou gekry het weens ‘n seksfoto-skandaal, weer in ‘n rolprent verskyn.
Chen (28) sal vir die eerste keer nadat hy sowat ‘n jaar gelede uit die bedryf getree het in die Engelse komedie, Almost Perfect, verskyn.
Vroeg verlede jaar is foto’s waarin Chen seksuele dade met sowat agt vroulike bekendes van Hong Kong uitvoer, uitgelek.
Chen, wat in rolprente soos The Grudge 2 en The Dark Knight gespeel het moes ná die foto’s aan die wêreld gewys is, sy loopbaan opskort.
‘n Rekenaartegnikus van Hong Kong is later tot amper nege maande se tronkstraf gevonnis omdat hy die foto’s van Chen se skootrekenaar af gesteel het.
Volgens Bertha Bay-Sa Pan, wat die regisseur vir Almost Perfect is, handel die film oor ‘n vrou wat haar nuwe kêrel se veeleisende behoeftes met dié van haar gesin moet balanseer.
Chen se bestuurder was nie beskikbaar om verdere besonderhede oor die nuwe rolprent bekend te maak nie.
- Sapa