'Spesiale toekenning' wag op Angie by filmfees
2011-08-01 12:11
Sarajevo – Die Hollywood-sterre Angelina Jolie en Brad Pitt het Sondag in Bosnië 'n draai gemaak vir 'n verrassingsbesoek aan die sluitingseremonie van die Sarajevo-filmfees.
Organiseerders van die 17de Sarajevo-filmfees het in 'n verklaring bevestig dat Jolie 'n spesiale gas is, en dat sy 'n "spesiale toekenning" sal ontvang.
Jolie het verlede jaar haar debuut as regisseur gemaak met 'n liefdesverhaal van 'n Moslem-vrou en 'n Serwiese man, met die oorlog in Bosnië wat van 1992-1995 gewoed het as agtergrond.
Die film het omstredenheid in Bosnië veroorsaak toe die plaaslike media bespiegel het dat die film die verhaal van 'n verkragtingslagoffer is wat op haar aanvaller verlief raak.
Jolie het egter gevra dat kritici wag tot hulle die rolprent gesien het. Volgens die rolprent se beskrywing sal dit handel oor die liefdesverhouding tussen 'n Serwiese wag by 'n detensiekamp en 'n Moslem-gevangene, sy voormalige meisie.
– Volg Nuus24 op Twitter.
- SAPA