Sokker laat sterre kopkrap oor troudatum
2010-01-26 10:09
Los Angeles - Die voormalige Westlife-ster, Brian McFadden en sy verloofde Delta Goodrem wil graag vanjaar trou, maar net as hulle 'n datum kry wat nie met die Wêreldbeker-toernooi oorvleuel nie.
Dié toernooi word vanaf 11 Junie tot 11 Julie in Suid-Afrika gehou.
McFadden het Goodrem drie jaar gelede om haar hand gevra ná hy van Kerry Katona geskei is.
"Ons probeer 'n datum uitwerk tussen die Wêreldbeker en die einde van die Formule Een-seisoen. Dit krap al my planne deurmekaar... Ek wou 'n nuwe album uitreik, maar ek sal niks werk gedoen kry met albei geleenthede wat aan die gang is nie," het McFadden gesê.
– contactmusic.com