Slumdog-ster se huis brand af
2011-03-05 10:37
Moembaai - Die Slumdog Millionaire-kinderster Rubina Ali se huis is in puin gelê deur 'n brand wat in 'n dig bewoonde krotbuurt in Moembaai uitgebreek het.
Volgens Rubina is die meeste van die toekennings wat sy vir haar rol as 'n arm kind in die Oscar-bekroonde film ontvang het, in die brand wat laat Vrydag in die Garib Nagar-krotbuurt uitgebreek het, vernietig.
Die 12-jarige ster het Saterdag vertel dat sy en ander lede van haar familie besig was om televisie te kyk toe hulle gehoor het hoe mense uitroep dat 'n brand op pad is.
Rubina sê haar gesin behoort later in 'n woonstel in te trek wat betaal is deur 'n trust wat gestig is deur die film se regisseur, Danny Boyle.
- Volg Nuus24 op Twitter.
- Sapa - AP