Skoonheid gee kroon prys na neukery
2009-11-09 19:56
Londen – Die mooiste vrou in Engeland het haar titel Vrydag prys gegee nadat gerugte dat sy by ‘n bakleiery in ‘n nagklub met ‘n ander deelnemer aan die Mej. Engeland kompetisie betrokke was die rondte begin doen het.
Rachel Christie, die niggie van die legendariese atleet Linford Christie, is in hegtenis geneem nadat sy glo met mej. Manchester, Sara Jones, by ‘n nagklub by ‘n bakleiery betrokke was.
Christie is die eerste swart vrou wat die titel van mooiste vrou in Engeland gewen het. Sy het in Julie vanjaar met die kroon weggestap.
Sy is aangekla daarvan dat sy Jones tydens ‘n bakleiery oor haar kêrel, wat op die televisieprogram, "Gladiators" verskyn, geslaan het.
"As gevolg van die aandag ná hierdie beweringe het Rachel Christie besluit om van die mej. Wêreld skoonheidskompetisie te ontrek en haar kroon as mej. Engeland pryse te gee,” het organiseerders van dié kompetisie in ‘n verklaring gesê.
"Rachel sal daarop konsentreer om die klad op haar naam skoon te vee en ook om voor te berei vir die 2010 Olimpiese spele,” lees die verklaring.
- Reuters