Skindertonge los oor Locklear se liefdeslewe
2011-11-16 15:09
Los Angeles – Die aktrise Heather Locklear het haar verlowing met haar Melrose Place-medester Jack Wagner verbreek.
Die 50-jarige Locklear, wat voorheen met die Motley Crue-tromspeler Tommy Lee en die Bon Jovi-rockster Richie Sambora getroud was, het drie maande gelede aangekondig sy en Wagner gaan trou.
‘n Woordvoerder van Locklear het aan Usmagazine.com bevestig Locklear en Wagner is nie meer verloof nie.
Dit is nie bekend hoekom dié twee, wat in 2007 begin uitgaan het, hul verlowing verbreek het nie.
Bespiegeling dat hul verhouding in die moeilikheid is het die week die ronde begin doen nadat Locklear alleen by die eerste vertoning van die film Twilight Saga: Breaking Dawn Part I gesien is sonder haar verloofring.
– Bang Showbiz.
– Volg Nuus24 op Twitter.