Sinead O'Connor soek 'n bedmaatjie
2011-08-31 21:00
Londen – Daar’s deesdae baie méér van haar om lief te
hê, maar Sinead O’Connor is steeds enkellopend en wend haar nou selfs tot die
internet vir ‘n bietjie aksie, berig Huffington Post.
In ‘n onlangse blog-inskrywing sê die
beroemde Ierse sangeres sy is “so desperaat vir seks” dat sy bang is sy doen
iets drasties.
“My situasie is so desperaat, dat lewelose voorwerpe aanloklik begin lyk.
“So ook onvanpaste mans of mans wat nie
beskikbaar is nie, of onvanpaste vrugte en groente wat net so onbeskikbaar is,”
skryf sy.
“In my beroep is dit moeilik om ‘n man te kry
wat my wil hê vir meer as net my (legendariese) lyf.
“Maar ek is in die fleur van my sekslewe en
veels te lieflik om soos ‘n non te moet lewe.
“Ek vind dit uiters teneerdrukkend,” sê sy.
Sinead laat nie op haar wag nie en het besluit
om haar Twitter-rekening en haar blog in te span om ‘n maatjie te soek.
Sy soek ‘n “sagmoedige, seks-honger man”, maar
het wel ‘n paar "moets" en "moenies".
Hy moet, byvoorbeeld, “blind genoeg wees om te
dink (sy’s) beeldskoon” en hy “moenie Brian of Nigel genoem wees nie”.
Vroue is ook welkom om aansoek te doen.
Kliek hier vir die volledige storie.
Volg Nuus24 op Twitter.
