Simon Cowell se nuwe reeks gou in VSA

2013-02-08 13:57

Los Angeles – Die voormalige American Idol-beoordelaar Simon Cowell wil 'n weergawe van sy nuwe kook-werklikheidsreeks in die VSA uitsaai.

Die mediamagnaat is besig met voorlopige gesprekke met die uitsaaier Fox om ‘n Amerikaanse weergawe van sy Britse werklikheidsprogram Food, Glorious, Food! te vervaardig.

Beoordelaars in dié program soek na die beste tuisgemaakte ete, wat dan in 'n topsupermark verkoop word.

Fox is ook die uitsaaier van Cowell se The X Factor.

“Simon en Fox is in praatjies om sy kookkompetisie in 2014 na die VSA te bring, al het dit nog nie eens in Brittanje begin wys nie,” het ‘n bron aan ShowBiz Spy gesê.

“Hulle het volle vertroue in Simon en glo dat sy jongste idee ‘n groot sukses sal wees.”

– Volg Nuus24 op Twitter